TURA: West Garo Hills a·jani a·kawe jolrango, mongsongbate Chibinang-oni Phulbari aro Rajabala-ona dakanggipa rama namsrangjahani a·sel re·ruraenggipa manderang aro jolo songdongenggipa manderang neng·nikanirangko chagrongna nangtokenga ine BJP West Garo Hills District-ni general secretary Peterjob A Sangma parakatenba, iani bidingo a·dokni PWD (Roads) Minister Prestone Tynsong-na sedoataha.
Sangma-ni parakatani gitade, ia ramako adita salrangna skangsan taritaiahachim indiba ramako tarigipa contractor-rang, ramako name tarijani a·sel ia rama jagni jagittamrangnasan name dongaiaha aro bakan nosto ong·na a·bachengpiltaiaha.
“Chibinang-oni Phulbari aro Rajabala-ona dakanggipa rama skangonin namjani a·sel, indita bilsirangna ia jolrango songdongenggipa manderang neng·nikanirangko chakna nangtokenga. Ia ramako gisepgriko tariengoba jagni ba jagittamrangnasan manderang rama namako re·manaia indiba uni ja·mande uan apsan obostakon chagrongpiltaina nangrongaia. Iandake ia rama ta·raken nosto ong·pilrongengani a·selan ia ramako salanti re·rurana nangenggipa manderang, nangchongmotgipa bosturangko salruragiparang pilakan neng·nikanirangko chagrongna nangtokenga,” ine Sangma parakataha.
Ia ramani ta·raken nosto ong·pilrongengani mongsonggipa a·selde rama tariani kamko gipin biaprangoni contractor-rangna on·ani a·selan ong·enga maina gipin biaprangoni re·bae kam ka·atenggipa contractor-rangde, ia jolni obostarangko name ma·sija aro pangnan kamko ka·giloke tangka paisarangko oke ra·nasan gisik nangbatrongaia ineba BJP West Garo Hills-ni general secretary parakataha.
Indake ong·engon, ia ramako baikamgipa ong·e tarina gita ia rama tariani kamko joltangni contractor-rangna on·china ua PWD (Roads) Minister-ko didiataha.
Ia ramako tariengon, wachini somoirangoba nosto ong·atako man·jana gita ramasamrango nalarangko tarichina aro ramako tarianio namgipa bosturangko jakkalna niamko donchina gitaba BJP West Garo Hills-ni general secretary, PWD Minister-ko didiataha.
Sangma-ni parakatani gitade, ia ramako adita salrangna skangsan taritaiahachim indiba ramako tarigipa contractor-rang, ramako name tarijani a·sel ia rama jagni jagittamrangnasan name dongaiaha aro bakan nosto ong·na a·bachengpiltaiaha.
“Chibinang-oni Phulbari aro Rajabala-ona dakanggipa rama skangonin namjani a·sel, indita bilsirangna ia jolrango songdongenggipa manderang neng·nikanirangko chakna nangtokenga. Ia ramako gisepgriko tariengoba jagni ba jagittamrangnasan manderang rama namako re·manaia indiba uni ja·mande uan apsan obostakon chagrongpiltaina nangrongaia. Iandake ia rama ta·raken nosto ong·pilrongengani a·selan ia ramako salanti re·rurana nangenggipa manderang, nangchongmotgipa bosturangko salruragiparang pilakan neng·nikanirangko chagrongna nangtokenga,” ine Sangma parakataha.
Ia ramani ta·raken nosto ong·pilrongengani mongsonggipa a·selde rama tariani kamko gipin biaprangoni contractor-rangna on·ani a·selan ong·enga maina gipin biaprangoni re·bae kam ka·atenggipa contractor-rangde, ia jolni obostarangko name ma·sija aro pangnan kamko ka·giloke tangka paisarangko oke ra·nasan gisik nangbatrongaia ineba BJP West Garo Hills-ni general secretary parakataha.
Indake ong·engon, ia ramako baikamgipa ong·e tarina gita ia rama tariani kamko joltangni contractor-rangna on·china ua PWD (Roads) Minister-ko didiataha.
Ia ramako tariengon, wachini somoirangoba nosto ong·atako man·jana gita ramasamrango nalarangko tarichina aro ramako tarianio namgipa bosturangko jakkalna niamko donchina gitaba BJP West Garo Hills-ni general secretary, PWD Minister-ko didiataha.