SHILLONG: Re·baenggipa bilsi 2028-ni Meghalaya Legislative Assembly election-o BJP, ge 8-10 seat-rangko chena ka·donganiko Cabinet-o gital rimnapgipa Minister Sanbor Shullai, aganaha.
Iarangni gisepon bang·a sitting MLA-rangba BJP-o napna sikaniko parakaha, party-ona bang·bate dilgiparangko rimbana jotton ka·enga ineba Shullai aganaha.
Party, election-na campaign ka·aniko a·bachengatjok aro dilgiparangkoba sandienga. State party, high command-ni ge·etani gitan kamrangko ka·enga. Prime Minister Narendra Modi-ni dilanio namgipa kam ka·anirangko nike Meghalaya a·dokni songjinma jolrangonide BJP-ko ra·chakengjok. Batanggimin bilsi 10 somoirangni gisepo Meghalaya-o bang·en developmental scheme aro project-rangko nikaha, jekon skangni salrango nikna nenga·beachim.
Iarangni gisepon cabinet-o biako man·ani gimin parakataon, Shullai, indine aganaha, “gitcham BJP president Ernest Mawrie-ni mikkango chinga Hek baksa agreement-ko soi ka·a gita cabinet-o biapko man·aha.
Cabinet-o biapko man·ani gimin Hek aro uni gisepo maiba meligrikgijanirang dongama ine sing·aon Shullai indine aganchakaha, “iani giminde anga mamingkon agana man·jawa indiba party high command-an Hek aro angni gisepo agreement soi ka·ako namnikaha.”
Uandake BJP-ko Christian-rangni kosako kam ka·gipa ine matnangani gimin talataniko on·aha, “election-ni somoiosan iandakgipa kattarang nakataia, indiba Meghalaya-ode iandakgipa obostarang dongja.
