SHILLONG: NPP-ni rikdilgipa Meghalaya Democratic Alliance (MDA) 2.0 Sorkarini da·o bilsi gni ata ong·ani ja·mano Cabinet Minister-rangko jujaatani ja·man, Meghalaya Chief Minister Conrad Sangma Butbaro uni Cabinet Minister-rangna kamrangko suale on·angaha.
Official notification ba u·iatani gita, Chief Minister Conrad Sangma Cabinet Affairs, Finance Department-ko ra·pilaha aro jerangkon darang Cabinet Minister-rangnaba sualjachim ua pilak portfolio-rangan uni jako ong·anggen.
“Deputy Chief Minister Prestone Tynsong-na, Home (Police)-ko man·chape, Public Works (Roads aro Buildings), District Council Affairs, aro Parliamentary Affairs ia mongsonggipa department-rangko on·aha. Indake sakgipin Deputy Chief Minister Sniawbhalang Dhar-na, Urban Affairs, Transport, Commerce aro Industries, aro Prisons aro Correctional Services department-rangko pakwatangaha.
NPP dilgipa Marcuise N. Marak-na skango jerangkon on·achim jedake Public Health Engineering, Housing, aro Soil aro Water Conservation, uarangkon on·angkuaha. NPP-ni a·gipi legislator Timothy D. Shira-na Tourism, Agriculture, aro Fisheries-ko on·aha.
Cabinet-ona rimnapgital minister Wailadmiki Shylla-na Health aro Family Welfare, Sports aro Youth Affairs, aro Home (Passport) department-rangko on·aha. Apsandake Ri Bhoi-ni NPP legislator Sosthenes Sohtun-na Community aro Rural Development, Secretariat Administration, aro General Administration-ko on·aha.
UDP-ni sakgni minister-rangoni, Metbah Lyngdoh-na Power, Water Resources, Taxation, aro Textiles-ko on·aha, jeon Lahkmen Rymbui-na Education, Revenue aro Disaster Management, Information aro Public Relations, aro Law-ko on·aha.
Sakgipin NPP minister, Brening A. Sangma-na Border Area Development, Excise, aro Home (Civil Defence aro Home Guards)-ko on·aha. BJP Minister Sanbor Shullai-na Animal Husbandry aro Veterinary, Arts aro Culture, Printing aro Stationery, aro Legal Metrology-ko on·aha, unomitingo HSPDP-ni Methodius Dkhar-na Food Civil Supplies aro Consumer Affairs, Labour Employment aro Skill aro Registration aro Stamps-ko pakwatangaha.
