TURA: West Garo Hills Tura-ni District Maternity & Child Hospital, Butbar salo district level-ni gita a·bachengate on·gipa Swasth Nari Shashakt Parivar Abhiyaan-ko sokachakaha. Ia campaign-ara me·chikrangko an·seng-baljoke bilakatenba nokdangko bilakbatroroatna aro an·seng·baljokgipa ong·atna a·bachengataha.
Tom·anio WGH-ni District Maternal & Child Health Officer (DMCHO), Dr. Ivonne M Sangma, iandakgipa campaign-ko a·songni gimik bakrango parakatanina ba a·bachengatanina kusi ong·ako parakaha. Ia campaign-ni miksonganiara me·chikrangko namnamgipa cha·ani-ringanirangchi, bimang tik ong·e rakkiachina be·en-bimang an·seng baljoke rakkie bilakate nokdang, songsal aro a·songko bilakbatroratna ong·a.
Ia campaign-o me·chikrangko community level-on be·en sabisirangko, anemia, tuberculosis, sickle cell sabisirangko sangen aro a·no donggipa me·chikrangko unbaksana atchidal bi·sarangko simsakani, sam-biji su·ani, namnamgipa cha·ani-ringanirangko on·na aro me·chikrangni jao nikgipa bewalni gimin u·iatanirangko gipatna ong·a.
Ia campaign-ko October 2 tarikona ong·atanggen.
Apsan daken North Garo Hills-o Swasth Nari Sashakt Parivar Abhiyaan-kok Deputy Commissioner Abhisek Saini, Mendipathar Salpara Playground-o a·bachengate on·aha.
NGH-ni gimik CHCs, PHCs aro sub centre-rango programko ong·ataha.
Ampati-o ia campaign-ko Additional Deputy Commissioner, Ampati, D.B.G. Momin, a·bachengate on·angskaha.
