Tura: Gital bank account-ko kulina, KYC update ka·na aro gipin banking service-rangko man·a gita Aadhaar card-ko nangtelgen ine SBI-ni Regional Branch Manager ( RBM)-ni ge·etani gimin social activist, Greneth Sangma, suk ong·jae ian Supreme Court-ni 2018-o rai on·gipako aro Meghalaya High Court, RBI-ni dongimin niamrangni kosako re·ani ong·a ine SBI-ni RBM-na lekka sedoaha.
“Supreme Court-ni bilsi 2018-o on·gipa raio bank accout-ko kulina aro banking service-ni ra·na gita Aadhaar- nangchongmotgipa ong·ja ine janapaha. Meghalaya High Court-ba sorkarini scheme-ni namgnirangko ra·na gita Aadhaar-ko nangchongmotgipa ine dongja, gipin document-rangba choliaigen ine aganaha. Una agreba Constitution-ni Sixth Schedule-o Meghalaya-ko Aadhaar Act-oniko wataha, ian Meghalaya-o Aadhaar-ko mandatory ba nangchongmotgipa document ine ra·na man·jawa ine mesoka ine Grenath aganaha.
RBI-ni dongimin niamoba Officially Valid Documents (OVDs)-o PAN, Passport, Voter ID, Driving Licence, ba uandakgiparangkosan janapa uni gimin bank, KYC-na Aadhaar-ko nangchongmota ine aganna man·jawa.
Talen niamrangko on·ani ja·manba Garo Hills-o SBI branch-rang Aadhaar-ko on·na aganenga, jeni a·sel Aadhaar donggijagiparangde neng·nikako man·enga.
Iarangko janape activist, uni badi ka·anio RBM-ko Garo Hills-o donggipa gimik SBI branch-rangkon KYC-na Aadhar dongjagenchimoba gipin document-rang ra·chakchjina ge·etaniko on·china mol·molaha. Unbaksana Supreme Court, Meghalaya High Court, RBI-ni niamrangko unbaksana Sixth Schedule-o watanikoba branch-rangna u·iatchina aganaha.
Account kulina Aadhaar-ko bi·ani gimin activist SBI-na lekka sedoa
Date:
Share post:
