SHILLONG: Dingtang dingtang kamrangna porikka aro interview-rangko ong·atanio, kragija kamrangko ka·na on·a ine badiaba badiaba songbadrango matnanganirangko Meghalaya Public Service Commission (MPSC) jegalatenba, dingtang dingtang kamna dorgasto galenggipa candidate aro a·dokni namgninan kamko ka·enga ine a·kangataha.
Iani bidingo talataniko on·atengon, dingtang dingtang kamna porikka aro interview-rangko ra·anio kragija kamrangko ka·na on·enga ine matnanganiara, MPSC-ni kosako tol·e matnangna jotton ka·anisan ong·aia aro iako matnanggipa manderangba, an·tangtangko parakgijasa dakenga ine Commission parakataha.
Candidate-rangni aro manderangni nangnikanirangko chu·sokatna gita kamrangko ka·enga ine janapatengon, dingtang dingtang a·jarangoni, dingtang dingtang kamrangna dorgasto galenggipa manderangna kamrangko altubatatna gitasa MPSC-ni examination centre-rangko Shillong aro Tura-oba kuliaha ine Commission parakataha.
Porikkarangko seatani somoirango, darangnaba mikkang niteani gri ong·china aro nama bewalo ong·atna gita pilak centre-ni supervisor-rangnan apsan niamrangko on·a ine janapatskaengon, pilak centre-rangon mobile phone-rangko ra·napna man·jana gita rakgipa niamrangkon donmanaha ine MPSC parakataha.
Porikkarangko ong·atanio, candidate-rangoniko am·sandina gita district administration aro police-rangni dakchakanirangkoba ra·ronga ineba MPSC parakataha.
Exam centre-rango metal detector-rangko jakkale, candidate-rangko am·sandina nangengani gimin janapatengon, badiaba somoirangode niamrangko ja·rikgenchimoba giseposan badiaba centre-rango mobile phone-rangko ra·napgiparang dongaia ine MPSC talataniko on·angaha.
Porikka seenggipa candidate-rangna invigilator-rang dakchake on·ronga ine matnanganirangna aganchakaniko on·atengon, iandake matnanganirangko sandirokchina gita deputy commissioner-rangko mol·molaha ine MPSC parakataha.
Porikkarangko ong·atanio kragija kamrangko ka·a inako MPSC jegala
Date:
Share post:
