WILLIAMNAGAR: Adita salrangna skang, a Hills a·jani Rajabala jolo donggipa Goalgaon songo, ACHIK dolni membor Dilseng M Sangma-ko ka·saninggija dake so·ote galanina jegale Sombar salo, East Garo Hills a·jani dingtang dingtang dolrang, chong·motan Garo Students Union (GSU) Eastern Zone, Mother’s Union, GES, AOSW, APA, FKJGP, Pick-Up Association, AHAM, ACHIK, AIGU, Simsanggre Indigenous People’s Forum (SIPF), Auto Association, NGCO, ADIL, AAYF, aro FAF dolrang nangrimenba jinma tom·bimonge, tom·tome re·jomaniko, Williamnagar-o ong·atangaha.
Jinma re·jomaniko ong·atna skang jinma tom·bimonganiko Rongrenggre Government Higher Secondary School Basketball Court-o ong·ataha aro ia tom·bimonganio dingtang dingtang dolni dilgiparang aganprakengon, sianggipa mandena kakket bichalko on·china aro kalimenggipa nokdangna pilak nanga dakchakanirangko on·china sorkario dabiangtokaha.
Ia tom·bimonganiko ong·atanio, GSU-Eastern Zone-ni general secretary Alex D Shira, jolo songdongenggipa manderangoni saksa Trueman M Sangma, Mothers Union-ni dilgipa Gamchi Timre R Marak aro dingtang dingtang dilgiparangba aganprakangtokaha.
Ia tom·anio dingtang dingtang dilgiparang aganprakangengon, Garo Hills-o gipin jatrangni niam gri napsrukbae songdong a·chaaniko raken champengna nangengani gimin aro Garo Hills-o A·chikrangko gipin jatrango pangchakna nangjana gita an·tangtangan bading chiwale aro game ge·e cha·giparang ong·china didiangtokaha.
Ia salni bako, Williamnagar-o donggipa pilak dokkanrangkon chipe dontokaha aro bang·a manderangan ia tom·bimonge re·jomanio bak ra·angtokaha.
Jinma re·jomaniko, Rongrenggre Government Higher Secondary School-ni Basketball Court-oni a·bachengatenba, Soil Lake, Williamnagar Bazar aro DC Office gita re·jomange, apsan biapon matchotateaha.
ACHIK dolni memborko so·otanina jegale W’nagar-o jinma re·jomaniko ong·ata
Date:
Share post:
