SHILLONG: Niam gri bikotgimin koelarangko sandie man·ani ja·man a·dokni bang·bata koela a·damrangon bikotgimin koelarang gimaroroenga ine nikahani gimin East Jaintia Hills a·jao niam gri bikotgimin metric ton lak 1.43 koelarangko Coal India Limited (CIL)-ni dongimin depot-rangona salatchina Meghalaya High Court-ni songe on·gipa Justice (Retd) BP Katakey-ni committee, District Administration-na ge·etaniko on·ataha.
Garuda-ni drone-rangchi am·sandie man·gipa koelarang gimarongenga ine nikahani gimin, niam gri bikotgimin koelarang gimajana gita ia koelarangko ta·raken, CIL-ni dongimin depot-rangona salatchina Justice Katakey Committee, ge·etaniko on·angaha.
“Garuda-ni survey ka·anio, East Jaintia Hills a·jamangmangon koela dane donenggipa dam 1,572 biaprang donga ine nikna man·aha. Ia dam 1,572 biaprango komibeoba metric ton lak 1.8 koelarang donga ine Garuda-ni hisapanio man·ahachim indiba biaprangona re·ange nion, metric ton lak 1.43-mangni gita koelarangsan dongaiaha ine nikna man·aha. Uni gimin East Jaintia Hills a·jamangmangon MT 36,000-37,000-mangni gita koelarang gimaaha aro iani bidingo sandirokna a·bachengengaha,” ine Justice Katakey aganaha.
Ia koelarangko gimadapjana gita ta·raken ia koelarangko CIL-ni depot-rangona salna nangengaha ineba ua aganaha.
“Ia koelarangko ta·raken depot-rangona salja ong·ode mikkangchiba ia koelarang gimakuani cholrang donga. Gimaenggipa koelarangni bidingo FIR-rangko ka·aha,” ine Justice Katakey parakataha.
Indake ong·engon, niam gri bikotgimin koelarangko salna man·jana gita Justice Katakey Committee, Nongalbibra-Dainadubi aro Nongalbibra-Gasuapara ramao Directorate of Mineral Resources (DMR)-ni check gate-rangko ta·raken songchina a·dok sorkariko didiataha.
Niam gri bikotgipa koelarangko CIL-ni depot-rangona salchina ge·eta
Date:
Share post:
