TURA: Tura-o donggipa Garo Hills Autonomous District Council (GHADC)-ni Members Hostel-o GHADC-o kam ka·enggipa mitam manderang aro niamo ong·gijagipa gipin manderangba, an·tangtangni nokdangrang baksa dongchakenga ine Tura-ni saksa SB Sangma, GHADC-ni Secretary-na badi ka·doangaha.
GHADC-ni Secretary-na badi ka·e sedoatani gitade, mitam manderang, GHADC-ni Members Hostel-o, sakchet ba sak 10-rang ong·pile, biap damsaon dongchaktokenga aro ian Members Hostel-ko jakkalsretani ong·enga.
“Ia manderang, GHADC-ni Members Hostel-o niam gri dongchakengani gimin niam gri chirangko, bijolirangko aro toilet-rangkoba jakkala ga·akenga,” ine Sangma, GHADC-ni Secretary-na sedoatgipa chittio parakataha.
Batanggimin somoirangode, GHADC-o kam ka·enggiparang aro gipinrangba Members Hostel-o iandake niam gri dongchaka dongjachim ine janapatengon, Members Hostel-o niam gri dongchakenggipa manderangko ta·raken a·rikgalchina, ia manderangni niam gri jakkalenggipa bosturangko ra·galchina, Members Hostel-ni kuturi ge·prako badita sak dongna man·a see mesokchina aro Members Hostel-ni a·palo ba bangbanggipa biaprango skatang a·pal re·ani ba toilet jakkalaniko champengatchina gita Sangma, GHADC-ni Secretary-ko didiataha.
