SHILLONG: Garo Hills-o electoral rolls-ko Special Intensive Revision (SIR) dakchina dabiani batroroengon, A·doko electoral roll-rangko Special Intensive Revision (SIR)-ko dakna gita Election Department chu·gimikan tarisoenga ine Meghalaya Chief Electoral Officer (CEO) BDR Tiwari aganaha.
SIR-ko daka ong·ode a·dok gimikon dakatgen ine aganengon, India gimiko da·o dipet dam 12 a·dokrangode ia SIR-ko dakengaha ine Tiwari aganaha.
“A·doko SIR-na ja·ku de·na gita Meghalaya Election Department, Election Commission of India (ECI)-oni u·iataniko sengenga” ine Meghalaya CEO aganaha.
SIR-ko a·bachengatjokon, maming dongnuani gri kamrangko ka·gen, dakna-ka·na nanggipa kamrangna department tarisamsoaha, kamrangko a·bachengna gita ECI-ni niam gita u·iatakosan sengaiengaha ine Tiwari parakaha.
Garo Hills-o SIR-ko dakchina gita batanggimin antirango adita NGO-rang aro political party-rang, A·dok Sorkariko didiahachim ine nikna man·a.
