SHILLONG: Meghalaya-ni North Garo Hills district-o e·ching aro holdi ge·e game cha·giparangna namgni ong·enga, Sukrobar salo Dijako Agro Farmer Producer Organisation (FPO), Kharkhoota, uamangni game man·gipaoni 20 metric tonnes- (MT)-ni consignment ba bosturangko Jodhpur-ona watataha. Ia consignment-ko watate chu·gimikde 65 MT gapengjok.
Game cha·giparang, darang jatchigipa dol ba mande gita ong·gija jol business dal·dalgiparang baksa meligrike kam ka·anichi namgniko man·enga. Sak 500 baten game cha·giparang mongsongbate e·ching aro holdi ge·giparang nama man·gniko man·enga.
Meghalaya New and Renewable Energy Development Agency (MNREDA)-ni Chairman Rupat Momin aro Dr Joram Beda, IAS, Director, MNREDA- uamangni dongpanio Kharkhoota-o game ge·e cha·giparang tom·angaha.
Iandakgipa tom·e chanchirimaniara game ge·e cha·gipa, palgipa sim·gipa, bostuni damrangko tik ka·anio dakchakgipa ong·a aro mikkangchi nambate badingchiwalaniko dakangna Chairman Rupat Momin aganaha.
Uandake Cultivator Natural Product Production and Procurement Team-ni representative-rang, tom·anio uamangni kattarangko donenga, ‘Meghalaya-ni e·ching aro holdi-rangko gipin biaprango sandigiparang bang·bea indiba a·doko e·chi aro holdiko ge·a-gamanio apsan dake quantity-ko ba bang·bate man·dapanio ka·dongna man·breja, ian mongsonggipa ra·biani ong·a. Indiba MNREDA-ni dakchakanio aro EY LLP-ni dakchakanio mikkangchi nambate kamrangko ka·angna man·gen ine aganaha.
