TURA: Garo Hills Autonomous District Council (GHADC) election-ko da·o adita jarangni gisepon ong·atna siengahani gimin Indian Constitution-ni Article 244(2), 275(1) aro Sixth Schedule-ni ning·o, Tribal ong·gijagipa manderangni bak ra·paaniko champengna gita GHADC-ni dingtang electoral roll-ko tarichina A·chik Holistic Awakening Movement (AHAM) dabiangaha.
Iani bidingo a·dokni Chief Minister-na sedoatengon, GHADC election-ko ong·atanio Tribal ong·gijagipa manderangni bak ra·paaniara, Sixth Schedule-o on·gimin niamrangko pe·ani ong·enga ine AHAM parakataha.
AHAM-ni president Georgeprince Momin-ni Chief Minister-na sedoatani gitade, Indian Constitution-ni Sixth Schedule (Article 244(2)) ning·o, Tribal jatrangko chel·chakna aro nirok sandinasa Autonomous District Council (ADC)-rangna dingtangmancha bilrangko on·ahachim.
“Article 275(1)-oba Tribal-rangni jakgitelani, daka rikani aro songo noko chalaiani bewalrangko chel·chakna gita Schedules Area aro Sixth Schedule a·jarangna dingtangmancha tangka paisa aro sorkarini gita dakchakanirangko on·na niamko donaha. District council election-rango Tribal ong·gijagipa manderangni dilgipako seokani ba susaanio bak ra·paaniara ia niamkon pe·ani ong·enga,” ine Momin parakataha.
Indake ong·engon, GHADC election-o Tribal ong·gijagipa manderangni bak ra·paaniko champengna aro election-o Scheduled Tribe (Garo) pu·ongiparangsan bak ra·na man·na gita GHADC-na dingtang electoral roll-ko ta·raken tarichina AHAM dabiangaha.
“GHADC election-o Tribal ong·gijagipa manderangni bak ra·paaniko champengna maming ja·kurangko de·jagenchimode Garo Hills-ni Tribal manderang, Indian Constitution-ni Article 244(2), 275(1) aro Sixth Schedule-o an·tangtangna on·gimin bilrangko chel·chakna jinma ja·ku de·ani cholrang donga,” ine AHAM mikrakataniko on·angaha.
GHADC election-na skang dingtang electoral roll-ko tarichina AHAM dabia
Date:
Share post:
