TURA: April-ni 10 tariko ong·atna manchisoenggipa Garo Hills Autonomous District Council (GHADC) election-o susana gita Bharatiya Janata Party (BJP)-ni skanggipa list-o sak 19 candidate-rangko parakataha.
BJP-ni parakatgipa sak 19 candidate-rangoni mongsonggipa candidate-rangara, Tura-ni MDC Bernard N Marak, Siju constituency-na Mark Pantora M Sangma aro Barengapara constituency-na Akki A Sangma ong·a. Barengapara constituency-na mingako man·gipa BJP candidate Akki A Sangma-de, BJP-ni state president Rikman G Momin-ni depante ong·a.
GHADC election-o BJP-ni candidate ong·e susana parakatgipa gipin candidate-rangara, Amongpara GHADC constituency-na Wilnath T Sangma, Dengnakpara-na Repsin M Sangma, Boldamgre-na Drojil D Sangma, Nogorpara-na Salibirth M Sangma, Zikzak-na Bhupendra Hajong, Betasing-na Hiralal Koch, Rochonpara-na Jeberth M Sangma, Balachanda-na Rikse K Marak, Batabari-na Clement Marak, Shyamnagar-na John Keats Sangma, Naguapara-na Rahinath Barchung, Rongrong-na Barning Marak, Bolsong-na Sengpan K Marak, Damas-na Bikash G Momin, Kharkutta-na Sengsrang R Marak aro Samandagre GHADC constituency-na Charles T Sangma ong·enga.
Skanggipa list-o ia sak 19 candidate-rangko BJP-ni state election committee ra·chakmanaha ine BJP-ni state general secretary Wankitbok Pohshna parakataha.
