SHILLONG: Garo Hills-o ong·engipa obostarangko Commission of Inquiry-chi jakgittele am·sandianiko dakchina dabie Opposition-ni dilgipa Dr. Mukul Sangma, Garo Hills-o ong·enggipa obostana jajrenganiko parake Meghalaya-ni Governor CH Vijayashankar-ko ia mamlako ta·raken nirokatchina mol·mole Sonibar salo Shillong Lok Bhavan-o memorandum-ko on·aha.
Garo Hills Autonomous District Council (GHADC) Election 2026-na kamrang a·bachengaon Garo Hills-o bilongen so·sojengjeng ong·angani gimin Dr. Sangma, janapange A·chik jatni civil society organisation-rangni GHADC election-o gipin jatrangko susaatako champengatna dabiengako janapangaha. Unbaksana Phulbari jolo saksa gitcham MLA-ni ding·chauatgipa kattarangko agane so·sojengjeng ong·ataniko aganangaha.
Golmal ong·a dal·angani a·sel sakgni manderang janggitangko gimaatna nangaha, Garo Hills-ni district-rango bilongen so·sojengjeng ong·enga ine janape, memorandum-o sorkarini obostarangko nirokna ba champengsona chu·sokgijanirangkoba janapangaha. Golmal ong·anio a·palchini bilrangde dongna kranikja.
Indake ong·engon da·ode Garo Hills-o obostarang ka·siangengjok, West Garo Hills a·jaoni giljani dilgiparang, buchuma-budeparang aro gipin gipin dilgiparangni tom·tomaniko rakkiangna jotton ka·anichi obostarang ka·sinangaha ine Dr. Sangma aganaha.
Uni gisepon Dr. Mukul, sorkariko Garo Hills-o ong·gipa obostako sandina gita Commission of Inquiry-ko songchina agan-ku·pattiaha. Maidakgipa obostarang sokanichi notification-ko on·a nangao ga·akahachim, iani chong·mot a·selko u·ina gita tale am·sandianiko dakchina dabiaha.
Garo Hills-ni mamlako Inquiry Commission-chi sandichina Dr. Mukul dabia
Date:
Share post:
