TURA: Songadam nokadamrango songdongenggipa manderangni an·seng baljokanina dakchakaniko on·na, Garo Student’s Union (GSU) Central Executive Committee (CEC) Headquarters, Tura-ni gita saanirangko sana-bananirangko dakani ba nangchongmotgipa samrangko aro first-aid-ni bosturangko Chibinang jolni manderangna on·gilate dakchakaha.
GSU CEC HQ.-ni President Zikku Balgra N. Marak, General Secretary Bibian G. Momin, Publicity Secretary Silsrang G. Momin aro Executive Member Hezekiah Sangma-ni dilanganichi, Chibinang jolni manderangni an·seng baljokanina sana-bananio nangchongmotgipa samrang aro gipin bosturangko on·gilangaha.
Medical aid-rang jekai- high aro low blood pressure-ni samrang, ok saani sam, be·en bimangko bilake rakkianina dingtang dingtang vitamin-rang aro Oral Rehydration Salts (ORS)-rangko on·ataha.
Iani bidingo, GSU Publicity Secretary parakatengon, je samrangkon songadamo dongenggipa manderangna on·atahachim, ian dingtangmancha Official Doctor Prescriptions-ko ra·esa on·atgipa ong·a ine talataha. Union-ni gita je dakchakatanirangko on·atahachim ian dingtangmancha Chibinang jolo songdongenggipa manderangni an·seng baljokaniko rakkienganio union-ni gita ka·sae dakchakatani ong·a ine aganaha. Una agreba, ian ning·tugipa songadam nokadamrango dongenggipa, jemangan namgipa sana bananirangko altue ra·na man·gijagipa manderangona iandakgipa nangchongmotgipa sana banani samrangko sokate on·na miksonge ja·ku de·ani ong·a ineba GSU parakaha.
GSU, Chibinang jolni manderangna Medical Aid-rangko on·gile dakchaka
Date:
Share post:
