SHILLONG: Chief Minister Conrad Sangma-chi dilenggipa sorkari dam 60 constituency-rangosan ong·aigija opposition dolni gita chegipa biaprangoba namroroani aro silroroanirangko on·dapangaha ine MDA sorkarini kam ka·ako Meghalaya Deputy Chief Minister aro Nartiang legislator Sniawbhalang Dhar Sonibar salo aganaha.
West Jaintia Hills district-ni Wahiajer songo tangka kror 100-ni project-rangko oprakani somoio Dhar aganangaha, darang constituency-koba watchangala dongja aro political-ni gita seokako man·e watata man·giparangni name dake nirokgijagipa biap gimikoba namroroani kamrangko ka·angenga. Ia re·mikkangani bak dake a·dokni dingtang dingtang bakrango aro New Shillong-o a·bachengate kam ka·enggiparangko ua toe aganangaha.
Dhar, Deputy Chief Minister Prestone Tynsong-ni bimingko de·e aganangaha jean Public Works Department-ko jako ra·e ka·enggipa a·dokni rika cho·anirangko batanggimin bilsirangoni kam ka·baengaha aro ia a·bao Meghalaya a·dok namroroaniko man·engaha ine agandapangaha.
Sokbana sienggipa dal·dalgipa project-rangni gimin Dhar aganangaha, Lad Umroi-oni Silchar-ona four-lane greenfiel rama jenan tangka kror 21,800-ko chamaha, aro iana pangchakaniko Prime Minister-chi songna ka·dongsoenga. Project-ko a·jani bakrang gita ra·chakgen aro iako dal·batsranggipa rika cho·anirangoni ge·sa dake talata ine ua aganaha.
Tangka paisarangko department-rang aro constiuency-rangona balance-o pangchake sualatenga ine chamatgipani gimin Dhar aganaha. A·barang jekai sanna banani, tourism aro chi sala gimikon a·dok gimiko tarianggen, department-ni gita nirokangjawa, ine ua aganaha.
Tourism a·bana batanggimin bilsiona bate ia chango bariataha ine Dhar aganaha. 2018 bilsi dipetonin a·dokni tangka paisa chamanirangko bariataha aro namroroanina kam ka·anio korosrangkoba baridapataha ine ua agan-talatangaha.
Sorkari da·onaba kam mingantion gisiko nangange kamrangko ka·angkuenga aro name dake niani sorkarini bak ong·a ine Dhar aganaha. Project-rangko chu·sokatani aro kamrangko dangdike on·aniko skanggipa dake done kam ka·angkuenga ine ua agandapangaha.
Mikkangchina ja·ku de·anio, a·dokna kam ka·anganio project-rangko on·dapangenga ine Dhar aganaha. Meghalaya a·dok National Games-ko sokachakna namgipa cholko man·aha, iako namroroanina mongsonggipa bak dake ua talataha.
International music-ni bidingo sing·anina Dhar aganangaha, indakgipa programme-rang a·dokni bimangko gipin a·songrangona niksengatna dakchakgipa ong·a. Sorkari rikanio aro project-rangko tarie on·anio bang·bate gisiko nangchina seoka man·gipa dilgiparangko nangchongmota aro administrative-ni daitoko jako ra·e kam ka·na nanga ine ua agandapangaha.
