SHILLONG: Municipality-rangko bon·atna gita 2024 bilsion Garo Hills Autonomous District Council (GHADC), motion-ko pass ka·e, ia kamko ta·rakatna gita committee-ko songaha ine Robibar salo, Tura-ni MDC aro Bharatiya Janata Party (BJP)-ni state vice president Bernard N Marak parakataha.
Marak-ni parakatani gitade, ia motion-ko ua an·tangan council-ona ra·baaha aro ia motion-ko pass ka·e, jillarangko chalaianio kamrangko namdapatna cholko oe on·aha.
Meghalaya a·doko municipality-rangko Indian Constitution-ni Article 243ZC-o on·gimin niamko pe·e aro Meghalaya Governor-ni on·gimin Scheduled notification-ko manigija chalaienga ineba Tura MDC matnangataha.
Marak-ni parakatani gitade, Town Committee-ni ning·o, Area I, II, III aro IV-na agre batjachina gita Governor, dingtangmancha biaprangni gimin u·iatahachim.
Ia biaprangko Danakre A·kingni wa·rengo Mark A (Town Elaka) aro Mark B (Reserve Area) ine salahachim ine janapatengon, indake ong·genchimoba, Nokmarang baksa chanchirimchenggija Megonggre A·king, Upper Damalgre, Sangsanggre A·king aro gipin a·kingrangona baridapataha ine Tura MDC matnangataha.
Scheme-rangko ra·gatani gimin janapatengon, Urban Local Body-rangna miksonge on·atenggipa tangka paisarangko ULB-rang an·tangtangde jakkalna man·jaenga indiba political dilgiparang baksa jak donggipa manderangsa jakkalenga ine Marak matnangataha.
Adita kamrang matchotgija dongkuenga aro da·ona kingkingan utilisation certificate-rangko on·kujaenga ineba Marak parakataha.
ANVC aro ANVC-B dolrangni sorkari baksa songgigrikanioba, Municipality-rangni pal Autonomous District Council (ADC)-ni ning·o Town Committee ba Municipal Council-rangko songskana tik ka·ahachim ineba Marak parakataha.
