NEW DELHI: Meghalaya-ni economy batanggimin bilsi bongao dunagni tang·doaha aro a·dok a·songo tang·dobatsranggiparangoni damsa ong·enga, Chief Minister Conrad K. Sangma parakaha.
“NE Business summit-o aganao 2018-o je obosta ong·achim uko tosusae chang bri bataha. Meghalaya-ni Gross State Domestic Product (GSDP) 2025-26 (da·oni damrang) 2024-25-ona bate gong 66,645 kror-ona, 13%-ona tang·dona nisan donenga.
A·dok batanggimin bilsi 3-oni bilsi 4-ona apsan gadango tang·doaha,” tangka botgipana ka·donganina ian mongsonggipa ong·a. Meghalaya a·songo gnigipa ta·rakbate tang·dororoenggipa a·dok ong·gen ine agana man·a.
Meghalaya Industrial Promotion Policy namen tang·doatna kamko ka·ako janape a·dok botgiparangna dal·en kamko a·bachengataha. Meghalaya-ni mangrakgipa entrepreneurship ecosystem-ko janape chonchongipa a·dokrangni gisepo a·dokko entrepreneur-rangna nambatgipa ecosystem ong·enga, ua aganaha.
Chief Minister, apalbatatenggipa IT ecosystem-ni gimin aganao, a·dokni skanggipa IT Park “packed,” ka·gimn ong·a aro ong·nasienggipa gnigipa IT Park-oba a·songoni aroba a·gilsakni industry dilgiparangoniko namgipa aganchakaniko man·aha. A·dok da·o chadamberangna dal·bata cholrangko nakatatna ge·gipin IT infrastructure miksonggipa baksa apalbatatna ja·ku de·enga.
NASSCOM (National Association of Software aro Service Companies)-ni chugipa gadangni dol a·dokona wenbaaha aro IT-ni dal·roroanina mittelako man·aha. Niksenggipa non-governmental trade association a ro advocacy group technology aro IT-BPM (Business Process Management) industry India-o IT Park-ni mongsonggipa bakna a·kangaha.
Meghalaya sajinmani ja·mano bilsi gittamna joljol GDP-o 10 per cent ong·nasipilgipa a·songo a·dok ge·sasan ong·aia, Conrad aganaha.
Economy 2018-o 29,508 kror-oni dal·roroa FY 2024-25-o 60,000 kror-ona ong·nasipile tang·doaha, State 2032-o gong lak 1.35 kror GSDP tang·dona nisan donenga.
India-o M’laya gnigipa tang·dobatgipa a·dok ong·enga: CM Conrad Sangma
Date:
Share post:
