AMPATI: India a·songni pilak biaprangon, ‘Jan Bhagidaari – Sabse Door, Sabse Pehle’ ine pangchakaniko done, Information, Education & Communication (IEC) Campaign-ko ong·atengani gimin South West Garo Hills a·jani Zikzak C&RD Block ning·o donggipa adita songrangoba Mongolbar salo, dingtang dingtang program-rangko ong·atangaha.
A·songni ki·tikbrionan, mongsongbate diltubatsranggipa aro chel·batsranggipa songrangonan sorkarini on·enggipa namgnirangko sokate on·na miksonganio ia IEC Campaign-ko ong·atenga.
Ia program-ko ong·atanio, dingtang dingtang department-ni official-rang, songadam nokadamrango namroro silroroani, an·seng baljokani, lekka pora, rongtal an·talani, janggi tangani cholrang aro songsalni namgnina sorkarini ra·gate on·gipa dingtang dingtang scheme-rangni bidingo songni manderangna agan-talate on·angaha.
Sorkarini ra·gatgipa dingtang dingtang scheme aro program-rang, jekai PM-KISAN, Jan Dhan Yojana, PMMVY aro uandakgipa scheme-ni ning·o, bang·bata nokdangrangkon segatna man·na gita beneficiary saturated camp-rangkoba ong·atangaha aro ia program-ko ong·atanio songni manderangko Aadhar-na biming segatanioba official-rang dakchake on·angaha.
