WILLIAMNAGAR: Development of North Eastern Region (DoNER) Ministry-ni ra·gatgipa Poorvottar Sampark Setu-ni ning·o dingtang dingtang kamrangko nipilna gita Budbar salo, Youth Affairs & Sports-ni Union Minister of State Raksha Khadse, East Garo Hills a·jani Williamnagar-ona re·baaha.
East Garo Hills a·jaona re·baanio Union Minister of State Raksha Khadse, ma·mong sorkarini ra·gatgipa dingtang dingtang scheme-rangko nipilna gita, East Garo Hills a·jani Deputy Commissioner RP Marak aro dingtang dingtang department-ni officer-rang baksa tom·anikoba ong·atangaha.
Official-rang baksa tom·e chanchirimangani ja·man Union MoS Raksha Khadse, Tambo A·dingo rikenggipa Multipurpose Indoor Sports Hall, Rongrenggre Government Higher Secondary School-ni Artificial Football Turf, gital dake tarigipa Soil Lake Eco-Tourism Project aro gipin biaprangkoba niangaha.
