WILLIAMNAGAR: East Garo Hills a·ani Williamnagar-o Garo Student’s Union (GSU) Eastern Zone-ni gita Meghalaya Residents Safety and Security Act (MRSSA) -ni bidingo Awareness Program-ko ong·atanga.
Ia programo Williamnagar-ni MDC Alponsus R. Marak mongsonggipa sokgipa ong·e bakko ra·angan baksana District Administration, GHADC-ni Labour Department, Police Department, Bar Association, Nokma Sardar-rang aro una agreba jolni mongsonggipa ong·e dilenggiparang bakko ra·angtokaha.
Indake ia ong·atanggipa program-ko A·chik a·songni a·a-chirangko nambata gadango chelchakna man·a gita, gipin a·dokrangoni napbaenggiparangko nambata nirok simsakanirangko dakenganio department baksa songsalni manderangni bakrime kam ka·ani gamchatgipa ong·ani bidingo mikrakataniko on·a miksongao ong·atangaha.
Ia ong·atanggipa programo bakko ra·anggiparangna, daito gnanggipa Department-rang songsalni manderangni dakna nanggnirangni bidingo chu·gimik agan-talate on·aha.
Una agreba, A·chik a·songko naljoke rakkianina, MRSSA-ni niam retirangko a·doko songdongenggipa sakanti manderangan ma·sie ra·na nangchongmotgipa ong·anio, mikkangchi iani bidingo apalbatatna dingtang dingtang songrangoba awareness program-ko ong·atangna miksongenganikoba GSU, Eastern Zone-ni dilgipa Goera R. Marak parakangaha.
EGH, Williamnagar-o MRSSA-ni bidingo Awareness Program-ko ong·ata
Date:
Share post:
