Resubelpara: Opposition-ni dilgipa aro Songsak-ni MLA Dr. Mukul Sangma, adita sal skang North Garo Hills Resubelpara sepang Chidaret-o riknasienggipa ge 100 palangni hospital-ko nirokeaon biap ba a·a ra·sekengani gimin jajrenganiko parakaha.
Hospital-ko rikna man·gipa biapni mitam bakrangko ra·sekdraengani bidingo kobor man·e Dr Mukul, nirokna gita re·angaha.
Salgittam skang Mukul Sangma-ni gital riknasienggipa hospital-ko nirokeani ja·man ia mamlao chanchirimna ra·baaha. Ia ge 100 palangni hospital-ko rikna miksongengon iako ge·sa healtcare faciltiy dakesan niana nangja indiba jolna sokbaenggipa dal·gipa medical aro educational institution dakatna miksonge rikna nanggen ine Mukul aganaha. Uni gisepon Dekachang-Rongrong-Anogre-ona tarienggipa ramakoba nirokeaha.
Doba, Apal, Dharam, Thapa, Rongrong, Kantolguri aro Raja Apal area development committees-ni memborrangko gronge agangrikangaon Dr. Mukul, ‘sorkarini ra·bagipa infrastructure-rang pangnan mikkangchi namgnina ong·a. Ia gital rikansienggipa hospital-ko nursing colleges, paramedical institutions aro medical colleges-ona dakatna man·gen ine aganaha.
Niatna gita Tura Medical College-ko teaching medical institution-ona dakataha, apsan daken ia gital hospital project-koba dingtang dingtang gital cholrangona ra·angna man·gen.
Minggipin ia project-na a·ako jolni Nokmasa ka·sae on·gilaha. Jolni manderang baksa agangrikani ja·man jinma namnike hospital-ko rikna 300 bigha uan acre 100-nig ita ong·gen ua a·ako ka·sae on·aha.
Indake Dr. Mukul, sorkariko ia hospital-ni project-ko ta·raken kamrangko matchotna ja·ku de·na didiaha. Ia hospital project-ko meja bilsian matchotna nangani somoi ong·achim indiba dingtang dingtang neng·nikarangko man·e somoi gita matchotna man·jaha.
NGH Chidaret-o riknasienggipa Hospital-ni a·ako ra·sekani gimin Mukul nirokea
Date:
Share post:
