TURA: Umiam-o donggipa ICAR-ATARI, Zone-VII-ni ning·o South Garo Hills a·jani CAU-KVK, Union Agriculture & Farmers Welfare Ministry-ni a·bachengatgipa ‘Khet Bachao Abhiyan’ campaign-ko re·anggipa June 1 tarik dipet a·bachengataha.
Ia ‘Khet Bachao Abhiyan’ campaign-ko game ge·e cha·giparangna, an·tangtangni game ge·e man·gipa bosturangko chel·chakani, jo·ong aro sabisirangko name nirokani aro gama ge·anirango gital kolrangko jakkalani bidingo game ge·e cha·giparangna u·iatna aro talate on·na gita June 1 tarikoni 30 tarikona ong·atenga.
Ia ‘Khet Bachao Abhiyan’ campaign-ni ning·o South Garo Hills a·jani KVK, dam 40 songrango awareness program-rangko, field demonstration-rangko aro game ge·e cha·giparang baksa agangrikanirangchi komibeoba sak 4500 game ge·e cha·giparangna, gama ge·anirangko namdapatani bidingo talate on·na miksongenga.
Ia ‘Khet Bachao Abhiyan’ campaign-ko nambate chu·sokatna gita South Garo Hills a·jani KVK, Agriculture department, Horticulture department aro ATMA-ni official-rang baksa nangrime program-rangko ong·atenga.
