SHILLONG: June-ni 21 tariko NEET (UG) porikkako ong·attaina siengon, ia apsan salon ma·mongoni Union Minister, Upper Shillong-ni EAC Headquarters-o donggipa PM SHRI Kendriya Vidyalaya-ona re·baenga ine East Khasi Hills a·jani District Administration u·iataniko on·ani ja·man, bang·a manderangan iana suk ong·gijaniko paraktokaha.
June-ni 21 tariko Union Minister, Shillong-ona re·baengani gimin Upper Shillong-ona dakanggipa ramani bang·bata bakrangon District Administration, niamrangko ra·gate on·angaha aro iandake manderangni re·ruraanirangko champengatanichi, ian gari gorarangni re·ruraaniko apchangket ong·atan baksana NEET porikkako sena KV EAC examination centre-ko man·gipa manderangnade neng·nikaniko chagrongna nangani ong·taiengaha.
Adita jarangna skang ong·atanggipa NEET (UG) porikkani question paper leak ong·ani a·selan porikkako segipa hajalni hajal chatro chatrirang neng·nikanirangko chagrongna nangtokahaon da·o ia porikkako ra·piltaiani apsan salon Union Minister-na Shillong-ona re·bana gita tarikko tik ka·ahani gimin aro dingtang salko tik ka·jahani gimin bang·a manderangan sing·doattokaha.
India a·songni pilak biaprangon VVIP-rangna, ramarangko champengatrongani gimin, ramarangko dingtangrongani gimin, police-rangko bang·en rakkirongani giminba bang·a manderangan sorkariko matnangtokaha.
June-ni 21 tariko, KV EAC examination centre-o NEET (UG) porikkako sena sienggipa chatro chatrirangde da·o Union Minister-ni re·baengani gimin niamrangko donattaiahani a·sel neng·nikanirangko chagrongna nangtaignok ine bang·a manderangan suk ong·gijaniko parakataha.
Sukrobar salosan, Health department-ni Secretary B Mawlong-ni dilanichi tom·aniko ong·atangenba, NEET (UG) porikkana tarisamsoanirangko nipilangaha aro porikkako tom·tome, naljoke aro maming neng·nikani gri ong·atna gita tik ka·angahachim.
NEET (UG) porikkana Meghalaya a·dok gimiko dak 14 examination centre-rangko tik ka·manaha aro ia centre-rangoni dam 10-de Shillong-o, damgnide Tura-o, damsade Jowai-o aro damsade Ri Bhoi a·jani Umiam-o donggipa North Eastern Police Academy (NEPA)-o ong·enga.
NEET porikkako ra·piltaiani salo Union Minister re·baenganina ding·chaotoka
Date:
Share post:
