SHILLONG: Salgro salaram a·dokrang Meghalaya-ko man·gope, batanggimin ru·uta bilsirangonin ma·mong sorkario pangchaka, ma·mong sorkari, mikkangchiba bil ama dipet salgro salaram a·jana dachakangkugen ine Union Finance Minister, Nirmala Sitharaman aganaha. Ma·mong sorkari, ‘Special Assistance to States for Capital Investment (SASCI)-ni gita tangka paisako dakchakenga aro a·dok ge·antinan ia scheme-ni gita dakchakaniko sokatna nangnika ine aganaha.
Meghalaya a·dokni dal·roroanio project-rang manderangni mjanggi tanganiko dakchakna man·gen aro anti bajar-rango gitalgipa bosturangko ra·baenganirang jean re·baenggipa somoio a·songo gittamgipa ta·rake doenggipa economic-na on·gilgipa ong·gen, ine Union Finance Minister, Nirmala Sitharaman Sonibar salo aganaha.
Meghalaya a·dok an·tangko biapko tariaha aro dal·dalgipa rika cho·ani project-rango gisiko nanganganio bak ra·enga aro a·dok tangka botani aro project-rangko man·engaha jeon manderang cholrangko man·engaha aro a·dokni bosturang gitalgipa anti bajar-rangko man·aha ine Sonibar salo kobor ra·timgiparangna Finance Minister Nirmala Sitharaman aganaha.
Meghalaya a·dokoni gama ge·ani gamchatgipa gadangrango bosturangko on·dapanina uni kusi ong·aniko parakangaha. Organic Spice Processing Unit-ko Ri-Bhoi district-o oprakaha jeon ia ge·samangmango sak 5000 manderang namgniko man·aha aro a·dokni block ge·antio apsan dakgipa cholrangko oprakenga jean anti bajarrangko ong·katataona aro gamchataniko on·dapaniona dilanggen, ine ua agandapangaha.
“Rika cho·anirang aro rama jalang tariani mangmangsan ong·aija indiba manderangni janggi tanganiona aro gitalgipa bosturangko anti bajarangona ra·baenggipa uan balance basket ong·a jean Meghalaya-ni dal·roroanina on·gilna man·gen,” ine ua agandapangaha.
Sitharaman jean Shillong-o sakgnina workshop ong·atgipao bak ra·angaha, a·dokona namgipa project-rangko ra·bana Ecternally Aided Project-rang aro ia EAP-rangna ma·mong sorkaroni 75% ;oan-rangko a·dok sorkarini gita ra·aha ine ua aganaha.
“Special Assistance to States for Capital Investment” (SASCI)-ni ning·o a·dokna 50 bilsi interest gri ra·angna ma·mong sorkari on·enga ineba janapangaha.
Salgro salaram a·dokrangko dingtangatna EAP-ni gita project-ko on·enga indiba bang·bata a·dokrangni mitamrangsan aro tik ka·giminrango project-rangko namgipa dake kam ka·na institutional bilaka aro changaniko mesoka, ine Minister aganaha.
