AMPATI: Organic Manure Scheme 2025-2026-ni ning·o, South West Garo Hills a·jani District Horticulture Office, seokako man·gipa manderangna, a·sal tariani bidingo training aro demonstration program-ko Mongolbar salo, Sangkarigre songo ong·atangaha.
Ong·telaigipa a·salrangchi gama ge·anirangko dakchina didina gita ia a·sal tariani bidingo training program-ko ong·ataha.
Ia program-ko ong·atanio, South West Garo Hills a·jani Agricultural Technology Management Agency (ATMA)-ni Deputy Project Director, skigipa ong·e bak ra·angaha aro ia program-ko ong·atanio ua, nambatgipa gama ge·ani bosturangko man·na gita ong·telaigipa a·salrangko tariani bidingo skie on·angaha.
Ia program-ko ong·atanio, Horticulture-ni Assistant Director, Horticulture Development Officer (HDO), Horticulture Inspector (HI), Assistant Horticulture Inspector (AHI) aro South West Garo Hills District Horticulture Department-ni dingtang dingtang official-rangba bak ra·angtokaha.
