AMPATI: Mongolbar salo, Mahendraganj constituency-ni MLA Sanjay A Sangma, Baisyapara Non-Government Lower Primary School-ko nina re·angenba, ia skul nokrang namangjaengahani gimin taridape on·na ku·rachakaniko on·angaha.
Skul nokrangko taridape on·asan ong·aigija, skul nokrangko rikdapna aro skulo poraienggipa bi·sarangni a·pal re·chakram biaprangkoba taridape on·na MLA ku·rachakangaha.
Ia skulko nina re·anganio Sangma, skulko chalaienggiparang, skigiparang, chatro chatrirang aro songni nokni manderang baksaba agangrike, uamangni neng·nikanirangko sing·sandie ra·angaha.
Gitcham skul nokrangko niangengon, ia skul nokrang namangjaengahani gimin skul nokrangko taridapna aro rikdapna gita ua, cholrangkoba niangaha.
Ia skulko nieanio Mahendraganj MLA, tom·anio dongpagiparangna aganprakengon, skul nokrangko namdapate on·na aro skulo poraienggipa bi·sarangna namgipa paikanarangko aro classroom-rangko rike on·na ku·rachakangaha.
Constituency-ni namroro silroroanina namgipa lekka pora aro skul nokrangko nangchongmota ineba Sangma aganaha.
Uni ku·rachakanirangko man·e School Managing Committee, skigiparang, ma·a paarang aro jolo songdongenggipa manderangba, Mahendraganj MLA-ko mittelpilangskaaha.
