RAJABALA:West Garo Hills a·jani ning·o ga·akgipa adita songrango, bijoli watanirang tik ong·srangjaenganina aro PWD ramarangko nangnika gita name tarijaengani bidingo jolni digntang dingtang NGO dolrang, Nokma Sanirang aro jolo songdongenggipa manderang apsan tom·enba, re·jome jegalgrimaniko dakanga.
Federation of Khasi Jaintia and Garo People (FKJGP), Garo Student’s Unon (GSU) aro Garo Hills State Movement Committee (GHSMC) Rajabala Circles, baksana Nokma Sanirang, aro jolo songdongenggipa manderang apsan bako ra·ange, Rajabala oni Selsella-ona dakanggipa nosto ong·gipa PWD ramako ta·rake taripile on·china aro una agreba, bijoli watanirang tik ong·jaengani a·sel daito donggipa department-rang nambata nirokanirangko dake bijolirangko tik onge watchina dabie, Balachanda rama bibraoni a·bachengate, Chokchokia kalchakram biapona lekka paltakrangko ra·e chrik a·boke re·jomaniko dakangaha.
FKJGP Rajabala Circle-ni President Samsen M. Sangma, jinma tom·e jingjengataniko dakangani mongsonggipa pangchakgiparangni bidingo talatangaha.
Uni gisepo songni dilgiparangoni Bijonto Hajong aro Balachanda songni Nokma Karmel Marak, daito-ko jako ra·e kam ka·enggiparangni simsakjaengani a·sel, jolo songdongenggipa manderangni chagrongna nangenggipa dingtang dingtang neng·nikarangni bidingo aganangaha.
Rajabala-ni ramako tarie on·china, bijoliko tik ong·e watchina dabia
Date:
Share post:
