WILLIAMNAGAR: East Garo Hills a·jani, Rongjeng Naringgre-o donggipa Eklavya Model Redidential School (EMRS)-o rika cho·ani kamrangko ru·uta bilsirangna galchipe donengani gimin Niksamso Garo Community Organisation (NGCO), Rongjeng Regional Unit antangtangni suk ong·gijaniko parakata.
NGCO dolrangni parakatani gitade, EMRS-ni project-ko battanggimin 2018 bilsirangon ma·mong sorkari-ni gita ra·chakmanahaoba, ru·uta bilsirangnan kamrangni maming dakeba matchotaniko nikna man·kujaenga aro iani a·selan a·dokni lekka pora-ko skie ra·enggipa chadamberang sorkarini on·gimin namgipa skie ra·ani cholrangoni jegalatako man·enga ine parakataha.
Iani bidingo NGCO-ni talataniko on·atengon, Nengkra aro Rongjeng Naringgre-o EMRS Project-ko bakgni dake damsan chame gimik gong 24 kror tangkarangko chamanahachim, indiba da·alonaba damgni project-rangni chu·sokgija dontongate donenganiko nikna man·aha. Uni gisepon, mamong sorkarini ra·chakgimin project-rangni kamrang ka·sinbeani aro simsakgijani a·sel matchotgija galchipe donenganina project-ko jako ra·e kam ka·enggipa contractor aro sorkarini dilgiparangni kosako matnangna nanga ine parakatengon, songsalni manderangni namgnina on·gipa tangka paisarangko namgipa kamna jakkalna nanga maina chatro chatrirangna ia skulo poraiani cholrangko ra·bana nangania mongsonggipa ong·a ine NGCO-ni kuwatgipao parakataha.
Indake ong·engon, matchotgija galchipe donenggipa project-ni chong·mot a·selrangni bidingo jako ra·e kam ka·gipa contractor aro department-ni kosako niamni gita ta·rake am·sandianiko dakchina aro rika cho·ani bangki kamrangko ta·raken a·bachengataichina regional unit dabiangaha.
NGCO dolrangni parakatani gitade, EMRS-ni project-ko battanggimin 2018 bilsirangon ma·mong sorkari-ni gita ra·chakmanahaoba, ru·uta bilsirangnan kamrangni maming dakeba matchotaniko nikna man·kujaenga aro iani a·selan a·dokni lekka pora-ko skie ra·enggipa chadamberang sorkarini on·gimin namgipa skie ra·ani cholrangoni jegalatako man·enga ine parakataha.
Iani bidingo NGCO-ni talataniko on·atengon, Nengkra aro Rongjeng Naringgre-o EMRS Project-ko bakgni dake damsan chame gimik gong 24 kror tangkarangko chamanahachim, indiba da·alonaba damgni project-rangni chu·sokgija dontongate donenganiko nikna man·aha. Uni gisepon, mamong sorkarini ra·chakgimin project-rangni kamrang ka·sinbeani aro simsakgijani a·sel matchotgija galchipe donenganina project-ko jako ra·e kam ka·enggipa contractor aro sorkarini dilgiparangni kosako matnangna nanga ine parakatengon, songsalni manderangni namgnina on·gipa tangka paisarangko namgipa kamna jakkalna nanga maina chatro chatrirangna ia skulo poraiani cholrangko ra·bana nangania mongsonggipa ong·a ine NGCO-ni kuwatgipao parakataha.
Indake ong·engon, matchotgija galchipe donenggipa project-ni chong·mot a·selrangni bidingo jako ra·e kam ka·gipa contractor aro department-ni kosako niamni gita ta·rake am·sandianiko dakchina aro rika cho·ani bangki kamrangko ta·raken a·bachengataichina regional unit dabiangaha.
