SHILLONG: Assembly-ni Speaker Thomas A. Sangma, a·dokni chadamberangko sorkari rikanio bak ra·china didiaha. Maina chadamberang baksa gital gital chanchianirang, bil aro dakna ka·na sikani donga, uarangko a·dokni namroro-silroroanina jakkalna man·gen.
Assembly building-o Meghalaya Legislative Assembly-ni Law Department-ni ong·atgipa session-o Speaker, legislators, student intern-rang bakko ra·angaha, session-o student-rangna legislature aro democratic-ni kamrang maidake re·a iarangni gimin skie agane on·aha.
Deputy chief whip Ronnie V Lyngdoh, MLA Satan Mary Shylla, Charles Pyngrope aro Brightstarwell Marbaniang, Assembly Secretary Malthus S. Sangma, Adviser (Legislation) Dr Andrew Simons aro Assembly Secretariat-ni a·gipi officer-rang session-o bakko ra·angaha.
Meghalaya-oni ge 8 college-rangoni sak 60 intern-rang unbaksana Delhi University-ni student-rang programo bakko ra·aha.
Tom·anio aganprakataon, Speaker, iandakgipa programko ong·atjringna nangnikaniko aro gamchataniko aganangaha. Ian skie ra·enggipa chadamberangna sorkarini kamrang aro kam ka·ani bewalrangko u·i-ma·siatna dakchakgipa ong·a ine aganaha.
Legislative Assembly-ara textbook ba ki·taprango poraigipa institution-san ong·aija indiba policy-rangko tarigipa biap aro gital gital chanchianirangko ra·bae chanchirimna man·gipa biap ong·a, jeon pilak manderangan ku·rangko on·na bil donga.
Mejaomangmang Canada-ona re·ange parliamentary seminar-o bak ra·ani giminba Speaker aganaha. Jeon dam 90 a·songrangoni legislator-rang seminar-o bakko ra·aha. Ua tom·anio Thomas, saksa bilsi 25 ong·gipa me·chik parliamentarian-ko nike aiao inmanpilaha. Canada-o me·chikrangna dingtangmancha reservation ba biap a·kanga dongja indiba me·chikrangan parliament-o bang·bata.
Iarangko agane, Speaker, Meghalaya-ni chadamberangko songsalna dangdike on·gipa a·baona re·bachina aro legislor ong·china didiangaha.
Assembly building-o Meghalaya Legislative Assembly-ni Law Department-ni ong·atgipa session-o Speaker, legislators, student intern-rang bakko ra·angaha, session-o student-rangna legislature aro democratic-ni kamrang maidake re·a iarangni gimin skie agane on·aha.
Deputy chief whip Ronnie V Lyngdoh, MLA Satan Mary Shylla, Charles Pyngrope aro Brightstarwell Marbaniang, Assembly Secretary Malthus S. Sangma, Adviser (Legislation) Dr Andrew Simons aro Assembly Secretariat-ni a·gipi officer-rang session-o bakko ra·angaha.
Meghalaya-oni ge 8 college-rangoni sak 60 intern-rang unbaksana Delhi University-ni student-rang programo bakko ra·aha.
Tom·anio aganprakataon, Speaker, iandakgipa programko ong·atjringna nangnikaniko aro gamchataniko aganangaha. Ian skie ra·enggipa chadamberangna sorkarini kamrang aro kam ka·ani bewalrangko u·i-ma·siatna dakchakgipa ong·a ine aganaha.
Legislative Assembly-ara textbook ba ki·taprango poraigipa institution-san ong·aija indiba policy-rangko tarigipa biap aro gital gital chanchianirangko ra·bae chanchirimna man·gipa biap ong·a, jeon pilak manderangan ku·rangko on·na bil donga.
Mejaomangmang Canada-ona re·ange parliamentary seminar-o bak ra·ani giminba Speaker aganaha. Jeon dam 90 a·songrangoni legislator-rang seminar-o bakko ra·aha. Ua tom·anio Thomas, saksa bilsi 25 ong·gipa me·chik parliamentarian-ko nike aiao inmanpilaha. Canada-o me·chikrangna dingtangmancha reservation ba biap a·kanga dongja indiba me·chikrangan parliament-o bang·bata.
Iarangko agane, Speaker, Meghalaya-ni chadamberangko songsalna dangdike on·gipa a·baona re·bachina aro legislor ong·china didiangaha.
