Jowai: Assam aro Meghalaya a·dokni sima arirangko bak dakna uamangni donchipenggipa kamrangko namgrikatna ta·raken nipilaniko dakgen, a·dok damgnini gisepgriko bak dakani dongjawa ine gisiko nangbate Assam-ni Chief Minister Himanta Biswa Sarma Bristibar salo aganaha.
Jowai-o Behdienkhlam maniani bon·kamgipa salo, agangrikaniko daktaina dingtangmancha somoi tika ka·ako Sarma kobor ra·timgiparangna aganangna jechakaha.
“An·chingni gisepgriko bak dakani dongjawa. Chinga gisiko nange agangrikenga aro chinga ta·raken iani bidingo agangriktaigen,” ine Assam-ni Chief Minister aganaha.
Assam aro Meghalaya a·dokni sima ari km 884 donggipao dingtang dingtang dam 6 biaprangni bidingo gnigipa changna agangrikaniko a·bachengataina dolgni sorkarirang jotton ka·enga ine ua aganaha.
Meghalaya Deputy Chief Minister Sniawbhalang Dhar, jean bak dakgipa sector-rangni damsa biapna a·dokni Regional Committee-ni skotonggipa ong·a. Assam Assembly election matchotani ja·man gnigipa changna sima arini bidingo kan·dike nipiltaianiko dakanggen ine ua mejamangmang aganangaha.
Regional committe-ni biaprangko wene niangna skang tom·aniko aro apsan nangrime biaprangko niangna Assam sorkarioni tari on·atako Meghalaya sorkari sengenga ine ua aganaha.
Union Home Minister Amit Shah-ni mikkango 2022 bilsini March jao Memorandum of Understanding (MoU)-o a·dok damgnian dam 12 bak dakaoni dam 6-ko namate on·angna soi ka·aha.
Soi ka·gipa agreement-o man·chapgiparangara, Tarabari, Gizang, Hahim, Boklapara, Khanapara-Pilangkata aro Ratacherra, ia dam 6 dongkuenggipa sima ari biaprangko gnigipa chang agangrikaniko dakna donangaha.
2023 bilsini May jao Chief Ministers Himanta Biswa Sarma aro Conrad K. Sangma regional committee, stakeholder-rangoni agan-ku·patttigipa aro apsan nangrime biaprangko nianganichi gnigipa chang agangrikaniko dakangkuna namnikaha. Dolgni sorkarirang agangrikaniko ta·rake nipiltaina ka·donge aganangna skang batanggimin bilsirango kam ka·anirang ka·sinaha.
A·dok damgnian brigimin chanchiani aro bakrimanichi dilangkuani gisepgriko agangrikna Sarma agan-talatangaha, aro bak dakna dongkuenggipa biaprangna tom·tomgipa agangrikanichi bak dakaniko namatna ka·dongsoenga ine ua agandapangaha.
Jowai-o Behdienkhlam maniani bon·kamgipa salo, agangrikaniko daktaina dingtangmancha somoi tika ka·ako Sarma kobor ra·timgiparangna aganangna jechakaha.
“An·chingni gisepgriko bak dakani dongjawa. Chinga gisiko nange agangrikenga aro chinga ta·raken iani bidingo agangriktaigen,” ine Assam-ni Chief Minister aganaha.
Assam aro Meghalaya a·dokni sima ari km 884 donggipao dingtang dingtang dam 6 biaprangni bidingo gnigipa changna agangrikaniko a·bachengataina dolgni sorkarirang jotton ka·enga ine ua aganaha.
Meghalaya Deputy Chief Minister Sniawbhalang Dhar, jean bak dakgipa sector-rangni damsa biapna a·dokni Regional Committee-ni skotonggipa ong·a. Assam Assembly election matchotani ja·man gnigipa changna sima arini bidingo kan·dike nipiltaianiko dakanggen ine ua mejamangmang aganangaha.
Regional committe-ni biaprangko wene niangna skang tom·aniko aro apsan nangrime biaprangko niangna Assam sorkarioni tari on·atako Meghalaya sorkari sengenga ine ua aganaha.
Union Home Minister Amit Shah-ni mikkango 2022 bilsini March jao Memorandum of Understanding (MoU)-o a·dok damgnian dam 12 bak dakaoni dam 6-ko namate on·angna soi ka·aha.
Soi ka·gipa agreement-o man·chapgiparangara, Tarabari, Gizang, Hahim, Boklapara, Khanapara-Pilangkata aro Ratacherra, ia dam 6 dongkuenggipa sima ari biaprangko gnigipa chang agangrikaniko dakna donangaha.
2023 bilsini May jao Chief Ministers Himanta Biswa Sarma aro Conrad K. Sangma regional committee, stakeholder-rangoni agan-ku·patttigipa aro apsan nangrime biaprangko nianganichi gnigipa chang agangrikaniko dakangkuna namnikaha. Dolgni sorkarirang agangrikaniko ta·rake nipiltaina ka·donge aganangna skang batanggimin bilsirango kam ka·anirang ka·sinaha.
A·dok damgnian brigimin chanchiani aro bakrimanichi dilangkuani gisepgriko agangrikna Sarma agan-talatangaha, aro bak dakna dongkuenggipa biaprangna tom·tomgipa agangrikanichi bak dakaniko namatna ka·dongsoenga ine ua agandapangaha.
