TURA: North Garo Hills-ni anti-bajar-rango TNT licence gri gipin jatrangni bading-chiwalanirangko sulsul sandirokchina gita Garo Student’s Union (GSU), Northern Zone, gipin Zonal-rang baksa bakrime Garo Hills Autonomous District Council (GHADC)-ni Chief Executive Member (CEM) aro Deputy CEM-ko didiaha.
Nangrimgimin GSU dolrangni sedoatgipa chittio janapatgimin gita,
North Garo Hills a·jani ning·o donggipa dingtang dingtang anti-bajarrangona gipin jatrang TNT licence gri skatang re·baenba bading-chiwalanirangko dakenga, indake uamangni daka kamrangara niamni a·palo ong·a, unigimin uandakgipa manderangni kosako sandie bichal ka·china gita GSU NZ, GHADC-ko didiaha.
NGH-ona gipin jatrangni niamgri napbae bading-chiwalani a·sel a·jatangni manderangni bading-chiwale cha·anio nangchakeako man·skaenga. A·chikrangni janggi tanganina bading-chiwale cha·ani cholrangko uamangan ra·sekenga, aro bading-chiwalanio A·chikrangni tang·dogniko gipin jatrang cha·sotenga ineba Union matnangaha. Unigimin district-o TNT licence gri bading-chiwalenggipa gipin jatrangni kosako ta·raken sandirokchina gitaba GSU didiataha.
Unomitingo Union-ni mol·molako knachake ta·raken kamrangko ka·na a·bachenggen ine ku·rachakatani gimin, GHADC-ni CEM aro Deputy CEM-ko GSU mittele aganaha.
NGH a·jao TNT licence gri badinggiparangko sandichina GSU didiata
Date:
Share post:
