KHLIEHRIAT: Jaintia Coal Miners & Dealers Association (JCMDA), EJH district-ni Khliehriat West Community Hall-o tom·enba coal-mining-ni mamlao chanchirimangaha.
Tom·anio jolni MLA-rang Kyrmen Shylla Khliehriat aro Smt. Santa Mary Shylla Sutnga Saipung, JHADC-ni MDC-rang, JCMDA-ni executive memborrang, JNC president, NGO-rangni representative-rang, koela cho·ani a·bao kam ka·giparang bakko ra·angaha.
Tom·anio aganprakataon MLA Santa, adita salrang skang ma·mongni Coal Minister G Kishan Reddy-ko gronge agangrikani bidingo talataha. Indake ma·mong minister-ko grongna gita dakchakanina Meghalayha-ni Chief Minister Conrad K Sangma-ko mittelangaha. Uandake ma·mong minister-ko grongao a·dokni dilgiparang East Jaintia Hills district-oni manderangni chagrongenggipa neng·nikarangko janapangaha.
District-o open-cast mining-ko ka·angna man·jawa maina ian environment-ko nosto ka·gen ine aganaha. Indiba district-o koela bikotaniko a·bachengtaipilna Khliehriat-ni MLA baksa melie kam ka·enga ine parakaha.
Uni gisepon Kyrmen Shylla, jolni manderangko man·telaigipa gamrangko name dake simsake jakkala baksana environment ba wilwilo donggipa buring-bolgrim, chiring-chibisik ba uandakgiparangna simsake kam ka·na nanggen ine agan-ku·pattiaha.
