SHILLONG: Chief Minister Conrad K. Sangma Sonibar salo Sohiong C&RD Block-o CM Connect Centre-ko oprakaha aro tangka kror 146 damni dingtang dingtang arika cho·anirangna aro namroroanina pangchakaniko songaha, songadam biaprango manderangna dangdike on·aniko kamrangko aro rika cho·ani kamrangko apalbatatna a·dok sorkari ku·rachakaha.
Programme-ko Mawrap Pyllun Ground-o ong·ataha, Community and Rural Development Minister Sosthenes Sohtun, Sohiong MLA SynsharKupar Roy Lyngdoh Thabah aro officials of the district administration-ni official-rangba dongpaaha.
Manderangna on·kanggipa tangka kror 5.48 damni ge-8 project-rang matchotan baks Sohiong-na dal·begipa chu·sokani dal gita ong·aha aro tangka 140.74 damni ge-9 gital project-rangna pangchakaniko songaha ine mande jinma tom·dakao Sangma aganaha.
Oprakgipa project-rangni sector-rango education, digital nangdimatani, rongtalatani, songadamo janggi tangani aro gama ge·ani anti bajara-ko man·chapataha. Uarang baksana Block Resource Centre, library-rang aro digital rika cho·ani nokrangko dam 13 songrangna, plastic waste management unit, gipin biaprangoni ra·bae pala simani centre-rangko Nongur aro Jamynthlen-o tariaha aro gama ge·ani ja·man bolam bite mi misi dakgiparangko chimonge donchakram aro pala simaniko bilakdapatna Agricab cholrangko on·aha.
