Shillong: Shillong-Kolkata bilruraenggipa private IndiGo air service-ko, April 23 tarik Sukrobar saloni salchetna dondipatenga ine airport official-rang aganaha.
COVID-19 sabisini ta·raken jelrikrikengani gimin flight service-ko dondipatna gita ian airline-ni gita chanchiani ong·ja indiba Shillong Airport authority-onisa chanchie tik ka·a ine Bristibaro parakataha.
‘‘Pial passenger-rangna indake u·iatenga je M/s Indigo Airlines @IndiGo6E, Shillong-ona bilruruaaniko April 23- 30, April 2021 tarikona dondipatenga’’ ine airport authority tweet ka·aha.
Indake ong·engon, basakoni bilchakattaigen aro tikitrangko walpilani gimin talna skode airline-ko agangrikatchina gitaba u·iataha.
