SHILLONG: A·doko sakgittam Grade-I Judicial officer-rangko a·dokni Chief Justice aro Patron-in-Chief Meghalaya State Judicial Academy-ni Justice Biswanath Somadder mijalo Meghalaya High Court-ni Conference Hall-o ku·mikchetataha.
Kamrangko kim·kim ong·e ka·china aro a·dokni manderangna kakket ong·e dangdike on·china gita Chief Justice uni kan·dikbee jinmana aganmitingo Officer-rangko mol·mole aganaha. Uni aganani gitade je kamko uamang da·o ka·engachim uko career dake ra·ani palo kim·kim ong·e dangdike on·an baksana mandeskana dakchakani kam ine ra·skabo ine aganaha.
India a·songni niam bidiko kakket bichalko rai on·ani (Justice) miksongani social, economical aro political-o pangchaka. Uni gimin pangnan mikkang niteaniko gale kam ka·ani judge-rangni mongsongbatgipa kam ong·a, ine ua agandapaha.
Meghalaya High Court-ni Judge aro Meghalaya State Judicial Academy-ni Judge-in-Charge, Justice H S Thangkhiew, Meghalaya High Court-ni Judge Justice W Diengdoh aro Meghalaya State Judicial Academy-ni Director Smti. C Dkhar mang mijalni programme-o bakko ra·angaha.
