SHILLONG: Meghalaya a·doko aro mongsongbate Shillong songjinmao COVID-19 ta·raken giproroengahani gimin sabisini giproroaniko champengna gita sorkarini dongimin niamrango pangchake Teer counter ba dokkanrangkoba re·baenggipa May 3 tarikona chipe donanggen ine u·iataha.
East Khasi Hills a·jani Deputy Commissioner Isawanda Laloo-ni u·iatani gitade, East Khasi Hills a·jao da·o dipet Teer kal·ani baksana pilak kal·susaanirangkon dontongatchengaha.
Sorkarini dongimin niamrangko pe·genchimode Meghalaya Epidemic Diseases, COVID-19 Regulations 2020-o pangchake rakgipa ja·kurangko de·anggen ineba sorkarioni mikrakataniko on·angaha.
