SHILLONG: Bilsi 18 batgiparangna COVID tika su·na gita uamangni bimingrangko segatchina Robibaroni kulie on·taigen ine agangenchimoba, system tik ong·jae bang·an uamangni bimingrangko segatna man·tokjaeming suk ong·gijanirangko paraktokaha.
Tika su·na gita biming segataniko May 17-oni May 23 tarikona web-ko kulie on·ani ong·achim, indake kuliani adita konta-rangni ja·manon book ka·giparang ba a·kanggipa-rang gapaiaha, aro bang·an biming segatna man·tokjaha.
Me·chikma saksani aganani gitade, tika su·na Robibaro biming segatanio neng·nikanirang bang·en donga ine aganaha.
‘‘Network-ni gita maming neng·nikani dongjaoba, dakna nanga kakketko matchotatani kontasani ja·manosa security code-kon man·soaha’’ ine aganenba ia neng·nikaniko tik ka·china gita Sorkariko mol·molaha jedakode sakantian tikarangko su·e ra·na cholko man·gen ine ua aganaha.
Sakgipin aganskaa je appointment slip-ko man·soahachim indiba ja·mano appointment-ko den·galaha ingipa message-ko man·sotaiaha.
