TURA: South Garo Hills a·jani Baghmara Civil Hospital-o donge sannaniko ra·enggipa mande saksa COVID-19-na porikka ra·anio positive ong·ahani gimin ia hospital-ni out patient department (OPD)-ko Mongolbar aro Budbar salgnina chipe donatchengaha ine Baghmara Civil Hospital-ni medical superintendent u·iataha.
Ia hospital-ni OPD-ko salgnina chipe donatengmiting somoio hospital-ko samrangchi rongtalatgen aro hospital-o donge sannaniko ra·enggipa aro kam ka·enggipa manderangkoba porikka ra·e nianggen ineba Baghmara Civil Hospital-ni official parakataha.
Medical Superintendent-ni u·iatani gitade, hospital-ni OPD-ko chipe donchenggenoba emergency aro hospital ning·o donge sannanirangko ra·enggiparangkoba pangna dakronga gitan sannanirangko on·angaigen.