SHILLONG: ‘‘COVID-19-ko maikae warachakgen’’ iani bidingo Meghalaya Police da·al department-ni official-rangna mingsa digital health session-ko ong·atangaha.
Principal Director-Haematology, Haemato Oncology & BMT, Fortis Memorial Research Institute, Gurugram-ni Dr. Rahul Bhargava ia programo mongsonggipa ong·e skie on·aha aro Meghalaya-ni DPG, R. Chandranathan mongsonggipa sokgipa ong·e bakko ra·aha.
Ia sabisi sajinmani somoio, sabisiko mikkangchake kamrangko ka·na nangengon official-rang an·tangtangko maidake an·seng baljoke rakkina man·gen uarangni gimin cholrangko mesoke on·na aroba tika su·ani gamchatani gimin talate on·na gita ia prgramko ong·ataha ine G.K. Iangrai, MPS, Asstt. Inspector General of Police (A) u·iataha.
Ia COVID-ni somoimitingo official-rangni chagrongna nanggipa kamrangni bidingo aroba COVID-19 tikani bidingo ong·gija jangatanirangko chel·atani bidingo ia programo chanchirimangaha.
