SHILLONG: Facebook, Instagram ugita dakgipa gipin gipin social media gita cha·boke cha·enggipa me·chikrangna mikrakchina gita East Khasi Hills-ni SP, S. Nontnger, IPS jinmana u·iataniko dakaha.
Koborna u·iatani gitade, social media gita cha·boke cha·gipani gimin bang·en badi ka·anirangko man·soaha. Uni aganani gitade denggugipa me·chikrang, me·asarango uamangni whatsapp nomborrangko bi·enba, phone nombor man·jokode uamangna video call ka·china kimalatgen aroba an·tangtang baksa til·ek an·chachina gita ropatgen. Uni ja·mano cha·bokgipa me·chikrang pilak dakarangkon (record) chipe ra·ani ja·mande ja·gao ga·akgiparangko uamangna tangka on·china domki on·skagnok.
Unigimin iandakgipa cha·boke cha·anirangna mikrakchina aro saksa sakgipin ma·siate on·china gitaba SP mikrakataniko on·aha.
