SHILLONG: Me·chik saksako drae til·eka ine North Tura-ni MLA Thomas A Sangma-ni kosako FIR ka·ahani gimin, ia a·selni bidingo kakketko ma·sina gita am·sandianirangko dakanio sorkari champengani dongjawa ine Bristibar salo a·dokni Chief Minister Conrad K Sangma parakataha.
Bia ka·na ku·rachakmikenba, drae til·ekaha ine me·chik saksa, North Tura-ni MLA Thomas A Sangma-ni kosako FIR ka·doangahachim ine nikna man·a.
Indake ong·engon, ia a·sel ong·anio sorkarini gita maming bak dongjani gimin niamo pangchake MLA-ni kosako jakgitele am·sandina on·anggen aro kakketko am·sandianio maming champenganirang dongjawa ine Chief Minister parakataha.
Chief Minister-ni parakatani gitade, a·songni niamde pilaknan apsan ong·aia aro ia MLA-ni kosakoba FIR ka·ahani gimin niamo pangchake kakketko ma·sina am·sandianirangko dakanggen.
Matnangako man·enggipa mande sorkarini bak ong·paengani giminsa da·alo ia a·selni bidingo so·sojengjeng ong·enga indiba ia ramram mandesan ong·aigenchimode manderang indita dal·e ra·tokjawachim ineba Chief Minister parakataha.
