SHILLONG: Bristibar saloni Sukrobar salona konta 24-ni gisepon Meghalaya a·dok gimiko sak 526 manderang COVID-19-oni nampilna man·aha indiba ia apsan salon sak 514 manderang COVID-19 man·dapskaaha.
Sukrobar salo COVID-19 man·dapgipa sak 514 manderangko channe da·o Meghalaya a·dok gimiko COVID-19 man·e dongenggiparang gimik sak 4993 gapaha aro apsan salon sak 10 manderang COVID-19 man·e siangdapahani gimin a·dok gimiko COVID man·e sianggiparangara gimik sak 714 gapskaengaha.
Sukrobar salo positive ong·gipa sak 514 manderangoni sak 29-de East Garo Hills-o, sak 9-de East Jaintia Hills-o, sak 183-de East Khasi Hills-o, sak 35-de North Garo Hills-o, sak 6-de Ri Bhoi a·jao, sak 6-de South Garo Hills-o, sak 15-de South West Garo Hills-o, sak 43-de South West Khasi Hills-o, sak 90-de West Garo Hills-o, sak 27-de West Khasi Hills-o aro sak 71-de West Jaintia Hills a·jao ong·a.
Konta 24-ni gisepo COVID man·e sianggipa sak 10 manderangoni sak 7-de East Khasi Hills-o, sak 1-de Ri Bhoi a·jao, sak 1-de West Garo Hills-o aro sak 1-de West Jaintia Hills a·jao ong·skaa.
Ia apsan salon gimik sak 526 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 35393 gapskaengaha.
