SHILLONG: Re·anggipa Bristibar salo, National People’s Party (NPP)-ni chadambe dol, Meghalaya a·dokni Chief Minister aro NPP-ni national president Conrad K Sangma-ko grongenba, a·doko Youth Policy-ko ra·gatna nangengani gimin agangrikangaha.
Dingtang dingtang kamrangko janggi tangani chol dake ra·na miksongenggipa chadamberangna dingtangmancha internet gita career counselling program-rangko ong·atna miksongenga ineba ia tom·anio NPP-ni chadambe dol, Chief Minister-na parakangaha.
Koborko on·ani gitade, gisikni gita an·seng baljoke dongani bidingoba NPP-ni chadambe dol, joltangni ku·sikchi aro English ku·sikchiba chadamberangna agan-talate on·na gita awareness program-rangko a·bachengataha.
Ia sal somoirango bang·bata chadamberangan gisikni gita dongtogijanichi dilsretanirangko aro ma·manti ong·gija kamrangko ka·na draatako man·tokengani gimin chadamberangna somoi gita sanna bananirangko aro agan-ku·pattianirangko on·na miksonganio ia awareness program-rangko NPP-ni chadambe dol a·bachengataha.
Meghalaya Youth Policy-ni draft-ko ia bilsini a·bachengachibara a·dokni Chief Minister nipilangahachim ine nikna man·a.
Meghalaya a·doko songdongenggipa manderangoni 33 percent-de chadamberangan ong·ani gimin a·dok sorkari, dingtangmancha ma·mong sorkarini ra·gatgipa National Youth Policy-ni line-o chadamberangna dingtang dingtang janggi tangani cholrangko on·na gita ia Meghalaya State Youth Policy-ko tarienga ine Chief Minister parakataha.
