TURA: Tura jillao bilsi 18-oni bilsi 44-ona aro bilsi 45 batgimin manderangna COVID-ni tikarangko su·e on·angkuna gita West Garo Hills a·jani district administration, June 28 tarikoni June 30 tarikona vaccination program-ko Tura-ni dingtang dingtang gittimrango ong·attaienga ine u·iataha.
Tikarangko su·na donsogimin biaprangara, June-ni 28 tariko Lower Sunny Hills, Daren Bibra, Matchakolgre UPHC, Sampalgre UPHC, Kongbe Gittim Community Hall, Christian Girls UP School, Dobasipara UPHC, Natya Samiti aro Lower Hawakhana Community Hall ong·enga, June-ni 29 tariko tika su·na donsogimin biaprangara, Matchakolgre UPHC, Gonga Damal gilja nok, Araimile LP School, Sampalgre UPHC, Dobasipara UPHC, Natya Samiti aro Upper & Lower Dobakkol LP School aro June-ni 30 tariko tika su·na donsogimin biaprangara, Matchakolgre UPHC, Bethany Orthopaedic Centre Toksan A·cha, Sampalgre UPHC, Dobasipara UPHC, Natya Samiti, Petra A·kong, Dobasipara Community Hall aro Boldak A·ding LP School ong·skaenga.
Tikarangko pring 9:30 bajioni attam 2:30 bajiona su·anggen ine u·iatengon, Tura jillani ning·o bilsi 18 batgimin pilak manderangkon ia centre ba biaprangona re·bae COVID-ni tikarangko su·e ra·china gita West Garo Hills a·jani Deputy Commissioner didiataha.