SHILLONG: Orchid City Shillong-ni Rotary Club, Martin Luther Christian University, Shillong aroba ESRAG South Asia baksa bakrimenba “Rotary Speaks Green”-ni bidingo mingsa Webinar-ko mijalo ong·atangaha. Ia webinar-ko ong·atanio, niksenggipa sakgittam environmentalists ba environment-na simsakgipa sakgittamna “Environment Champion Award”-koba club-ni pakwatangah.
Koborna u·iatani gitade, Morningstar Khongthaw, Jiwat Vaswani aro H. Hamkhein Mohrmen mangna club-ni gita “Environment Champion Award” on·aha.
Tom·anio niksenggipa sakgittam manderang aganprakangaha. Do·orangko nirokgipa Ms Kynsai Ria Kharkhongor, a·doko donggipa do·orangni bidingo aganangaha. RC Orchid City Shillong-ni membor Reema V Diengdoh, “Environment Chel·chak Ripinganio Chadamberangni Daito” -ni bidingo aganangaha. Director, ESRAG South Asia-ni Jaideep Malaviya, Carbon Footprints-ni bidingo aganangskaaha.
Tom·anio, Rotary-ni memborang, am·sandie nigiparang, jaksapgiminrang, chatro chatrirang bakko ra·angaha.
