SHILLONG: Meghalaya A·doko bading chiwalani a·bakuko namdapatna gita Meghalaya State Investment Promotion Society (MSIP), mijal Sukrobar salni bako Invest India, Ministry of Commerce aro Industry, Government of India baksa soi ka·angaha.
A·doko bading chiwalani kamrangko bilakbatatna gita ia MoU-ko mijalo New Delhio, Chief Minister Conrad K. Sangma, Chief Minister-ni Advisor Thomas A Sangma aro Sorkarini Chief Whip Marcuise Marak mangni dongpaanio kingsako soi ka·aha.
“Dikdiksana aro pangkamnagipa miksonganirang baksa kamko ka·gen. Ian bading chiwalani systemko bilakdapatgen aro One Product-One District Programmeko ra·dogen” ine Chief Minister aganaha.
Ua indakeba aganaha je songsul a·songrang baksa bading chiwalaniko dakgen. “Invest India team, Global Value Chain-ko dakanio dakchakaniko on·gen. Indake Lakadong haldi, Eri Silk, Me·gimu, Anaros aro Te·brong dakgiparangko badingatgen,” ua aganaha.
Managing Director & CEO, Invest India-ni D. Bagla u·iata je Lakadong haldi, bija bitchi aro anaros dakgiparangko palatani giminde, uamang Northeast desk baksa kamrangko ka·engaha.
