TURA: Adita salrangna skang, BJP Garo Hills Unit-ni membor-rang, Tura-ni BJP regional office-o tom·aniko ong·atangenba, da·o Rajabala Assembly Constituency-ni by-election-ko ong·atanio susana nangniktokenganiko parakangaha.
Ia tom·aniko BJP-ni state general secretary Thomas N Marak dilangaha aro tom·anio Garo Hills-ni dingtang dingtang a·jarangoni aro mondal-rangoni BJP-ko dilenggiparang dongpae bakko ra·angtokaha.
Rajabala constituency-ni gitcham MLA Dr Azad Zaman-ni siangani ja·man da·o ia Assembly constituency-ni by-election-ko ong·atna nangengachim ine nikna man·a.
Indake ong·engon, Garo Hills-o BJP unit-ni tom·aniko ong·atanio, pilak dilgiparangan ia by-election-ko ong·atanio susana nangnikaniko paraktokaha aro uandaken iani bidingo BJP-ni state president Ernest Mawrie aro Meghalaya a·dokko nirokenggipa BJP-ni dilgipa Dr M Chuba Ao-na u·iate, ia by-election-na BJP-ni candidate-ko seokchina didigen ine tik ka·e donangaha.
“Prime Minister Narendra Modi-ni dilanichi ma·mong sorkari, a·songo songdongenggipa manderangna aro mongsongbate kangal cholgrirangna dingtang dingtang cholrangchi dakchake on·engani gimin Garo Hills-oba bang·a manderangan Prime Minister-ko mitteltokenga aro uandaken da·o mikkang election-rangoba BJP dol, cheani cholrang dongengaha,” ine BJP-ni state general secretary Thomas N Marak parakatenba, da·o changgipin Meghalaya Assembly election-oba BJP dol bang·bata seat-rangkon chena man·gnok, ine an·tangni ka·dongsoenganiko parakataha.
