TURA: South West Garo Hills a·jani Mukdangra Sub-Centre-o COVID-19 man·gipa dongahani gimin, sabisini batrikrikaniko champengna gita ia sub-centre-ni Out Patient Department (OPD)-ko salbrina chipe donatchengaha ine South West Garo Hills a·jani Deputy Commissioner u·iataha.
Deputy Commissioner-ni u·iatani gitade, Mukdangra sub-centre-ko re·anggipa August 31 tarikoni September 3 tarikona chipe donataha aro ia sub-centre-ko chipe donengmiting somoio samrangchi rongtalatangan baksana gipin manderangkoba COVID-19-na porikka ra·e nianiko dakenga.
Mukdangra sub-centre-ni Out Patient Department (OPD)-ko chipe donengmiting somoio Garobadha PHC-ona re·ange sanna bananirangko ra·skachina gitaba South West Garo Hills a·jani Deputy Commissioner, jolo songdongenggipa manderangko didiataha.
