TURA: Adita salrangna skang, Phulbari CHC sambao donggipa AMPT ramao bike bolsa ta·rakbee re·baenba, chadambe saksako salgake siatahani gimin Phulbari jolo donggipa dingtang dingtang dolrang, chong·motan GSU, GSMC, FAF, AHAM aro AAYWS dolrang jegalatenba, iani bidingo inquiry-ko dake dos dakgipa mandeni kosako rakgipa ja·kurangko de·china West Garo Hills a·jani Deputy Commissioner aro a·dok sorkariko didiataha.
Koborko on·ani gitade, re·anggipa September tarik attam 7:30 bajimango, bike bolsa ta·rakbee salbaenba, saksa Carl Andrew M Marak minggipa chadambeko salgake siatahachim.
Indake ong·engon, so·otako man·gipa chadambeni nokdang, ia chadambeni sianina kalimkuengani a·sel FIR-ko ka·na man·kujaenga ine NGO-rang parakatenba, ia a·selko jako ra·e am·sandichina aro dos dakgipa mandeni kosako rakgipa ja·kurangko de·china Deputy Commissioner aro a·dok sorkariko didiataha.
Ia ramarango manderang nangana bate garirangko ta·rakdugae salengani a·sel manderangna kenchakna nangani ong·engani gimin Phulbari-oni Chibinang-ona ‘slow driving zone’ ine ra·gatchina aro skul, hospital, sorkari office aro olakkiram nok sambarango ‘speed breaker’-rangko donchina gitaba NGO-rang dabiangaha.
Chibinang-Shyamnagar-
